កូន៤នាក់បានចូលមកថ្វាយខ្លួនជាសេនា។ ស្ដេចសៀមដឹង ក៏លើកទ័ពដេញតាម។
ដោយពុំមានអាវុធបរិបូណ៌ សេនាមឿងបានធានាថា
ខ្លួនតតាំងនឹងសៀមដោយប្រើឧបាយកលចម្លែកមួយ
គឺហ៊ានប្ដូរជីវិតដើម្បីទៅកេណ្ឌពលខ្មោចមកច្បាំងនឹងសៀម។
លោកបានបង្គាប់ឱ្យជីករណ្ដៅ រួចដាក់ចម្រូង។ លោកលោតចុះទៅក្នុងរណ្ដៅនោះ
រីឯប្រពន្ធ និងកូនពីរនាក់ទៀតក៏លោតចុះតាមដរ។ លុះថ្ងៃពេញបូណ៌មី
គេឮសន្ធឹកកក្រើកមេឃ កក្រើកដីដូចបណ្ដាំសេនាមឿងមែន។
ទ័ពខ្មោចបានដង្ហែជ័យអស្ចារ្យលើកទ័ពទៅឡោមព័ទ្ធបន្ទាយសត្រូវ។
ទ័ពសៀមភ័យរន្ធត់នាំគ្នារត់ប្រាសអាយុ។
ទ័ពសៀមបាក់បបខ្លបខ្លាចទ័ពជ័យអស្ចារ្យ ក៏វិលត្រឡប់ទៅស្រុកវិញអស់។
ជ័យអស្ចារ្យឡើងគ្រងរាជ្យបន្តពីព្រះបិតា និងទទួលព្រះនាមថា
“ព្រះជ័យចេស្ដា”។
(ដកស្រង់និងកែសម្រួលពីសៀវភៅ ប្រជុំរឿងព្រេងខ្មែរ ភាគទី៨ ទំព័រទី៨)
សំណួរ
១. តើរឿងនេះមានតួអង្គណាខ្លះ? តើតួអង្គនីមួយៗធ្វើសកម្មភាពអ្វីខ្លះ?
២. តើរឿងនេះកើតឡើងនៅពេលណា? នៅកន្លែងណាខ្លះ ?
៣.
តើជ័យអស្ចារ្យទទួលបានជ័យជម្នះលើទ័ពសៀមដោយរបៀបណា ?
៤.
តើព្រះចន្ទរាជាមានឥរិយាបថដូចម្តេចចំពោះទង្វើរបស់សៀមនៅក្នុងសាច់រឿងនេះ ?
៥. តើតួអង្គណាខ្លះដែលអាចចាត់ទុកជាវីរជន?
ចូរបញ្ជាក់ពីសកម្មភាពរបស់វីរជនទាំងនោះ ?
៦. តើអ្នកតាឃ្លាំងមឿងមានពិត ឬទេ ? បើមាន តើមាននៅខេត្តណា?
លំហាត់
ចូរជ្រើសរើសចម្លើយណាដែលជាព្រឹត្តិការណ៍នៃរឿង រួចរៀបព្រឹត្តិការណ៍ទាំងអស់តាមលំដាប់លំដោយដំណើររឿងឱ្យបានត្រឹមត្រូវ ។