ប្រទេសបារាំង ឥណ្ឌូណេស៊ី ភូមា ស្រីលង្កា ជាដើម ។ ជាមួយសកម្មភាពនេះដែរ សម្តេចបាននាំគណៈប្រតិភូទៅធ្វើទស្សនកិច្ចនៅកម្ពុជាក្រោម ដើម្បីផ្ដល់គំនិតរៀបចំវត្តអារាមជាច្រើន សម្រាប់ជនជាតិខ្មែរយើងនៅទីនោះធ្វើបុណ្យទាន និងជាមណ្ឌលជួបជុំទាក់ទងគ្នា ពិសេសរៀនអក្សរខ្មែរ ។
នៅគ. ស. ១៩៦៣ ប្រជាជនខ្មែរទាំងមូល បានថ្វាយឋានៈព្រះអង្គថា “សម្តេចសង្ឃរាជថ្នាក់ទី ១ ” ហើយជាបណ្ឌិតអក្សរសាស្ត្រទី ១ នៅគ.ស. ១៩៦៤ ។ សម្តេចចូលទិវង្គតនៅគ.ស. ១៩៦៩ ក្នុងព្រះជន្មាយុ ៨៦ព្រះវស្សា នាវត្តឧណ្ណាលោម រាជធានីភ្នំពេញ ។ប្រជាជនខ្មែរទាំងអស់សុទ្ធតែគោរព កោតសរសើរ ចងចាំ និងប្រើប្រាស់ស្នាព្រះហស្តដ៏ថ្លថ្លារបស់លោករហូតដល់សព្វថ្ងៃនេះ ។
(ដកស្រង់ពី ព្រះរាជជីវប្រវត្តិសម្តេចព្រះសង្ឃរាជ ជួន ណាត ជោតញ្ញាណោថ្នាក់ទី១ គណះមហានិកាយ)
សំណួរ
១. តើសម្តេចព្រះសង្ឃរាជ ជួន ណាត មានស្នាព្រះហស្តអ្វីខ្លះ?
២.
តើស្នាព្រះហស្តមួយណាដែលល្បីល្បាញជាងគេ ?
៣. តើសម្តេចព្រះសង្ឃរាជ ជួន ណាត មានទឹកចិត្តដូចម្ដេច ចំពោះប្រទេសជាតិ ?
៤. ក្នុងនាមជាអ្នកសិក្សា តើអ្នកត្រូវរៀនសូត្រអ្វីខ្លះពីព្រះអង្គ
?
លំហាត់
ចូរស្រង់គុណនាមប្រក្រតី និងគុណនាមកំណត់ពីក្នុងអត្ថបទដាក់តាមខ្ទង់ក្នុងតារាងខាងក្រោមឱ្យបានត្រឹមត្រូវ ។
| គុណនាមប្រក្រតី | គុណនាមកំណត់ |
|---|---|
| |
|